ਅੱਜ 19 ਜ਼ਿਲ੍ਹਿਆਂ 'ਚ ਰੇਲਵੇ ਟ੍ਰੈਕ 'ਤੇ ਧਰਨਾ ਦੇਣਗੇ ਕਿਸਾਨ
ਅੱਜ 19 ਜ਼ਿਲ੍ਹਿਆਂ 'ਚ ਰੇਲਵੇ ਟ੍ਰੈਕ 'ਤੇ ਧਰਨਾ ਦੇਣਗੇ ਕਿਸਾਨ
ਚੰਡੀਗੜ੍ਹ/ਜਲੰਧਰ, 5 ਦਸੰਬਰ, 2025: ਪੰਜਾਬ ਵਿੱਚ ਅੱਜ (ਸ਼ੁੱਕਰਵਾਰ) ਰੇਲ ਯਾਤਰੀਆਂ ਲਈ ਸਫ਼ਰ ਕਰਨਾ ਮੁਸ਼ਕਿਲ ਭਰਿਆ ਸਾਬਤ ਹੋ ਸਕਦਾ ਹੈ। ਦੱਸ ਦੇਈਏ ਕਿ ਕਿਸਾਨ ਮਜ਼ਦੂਰ ਮੋਰਚਾ ਦੇ ਸੱਦੇ 'ਤੇ ਅੱਜ ਦੁਪਹਿਰ ਸੂਬੇ ਭਰ ਵਿੱਚ ਟਰੇਨਾਂ ਦੇ ਪਹੀਏ ਰੁਕਣ ਵਾਲੇ ਹਨ। ਦਰਅਸਲ, ਆਪਣੀਆਂ ਮੰਗਾਂ ਨੂੰ ਲੈ ਕੇ ਕਿਸਾਨ ਜਥੇਬੰਦੀਆਂ ਨੇ ਅੱਜ ਦੁਪਹਿਰ 1 ਵਜੇ ਤੋਂ 3 ਵਜੇ ਤੱਕ 2 ਘੰਟੇ ਦਾ ਸੰਕੇਤਕ 'ਰੇਲ ਰੋਕੋ' ਅੰਦੋਲਨ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਜਿਸ ਦੇ ਚੱਲਦਿਆਂ ਅੱਜ ਇਸ ਪ੍ਰਦਰਸ਼ਨ ਦਾ ਅਸਰ ਸੂਬੇ ਦੇ 19 ਜ਼ਿਲ੍ਹਿਆਂ ਵਿੱਚ ਦੇਖਣ ਨੂੰ ਮਿਲੇਗਾ, ਜਿੱਥੇ ਕਿਸਾਨ 26 ਥਾਵਾਂ 'ਤੇ ਰੇਲਵੇ ਟ੍ਰੈਕ ਜਾਮ ਕਰਨਗੇ।
ਅੰਦੋਲਨ ਦੇ ਚੱਲਦਿਆਂ ਹੇਠ ਲਿਖੇ ਰੇਲਵੇ ਸਟੇਸ਼ਨਾਂ ਅਤੇ ਰੂਟਾਂ 'ਤੇ ਆਵਾਜਾਈ ਪ੍ਰਭਾਵਿਤ ਰਹੇਗੀ:
1. ਅੰਮ੍ਰਿਤਸਰ (Amritsar): ਦਿੱਲੀ-ਅੰਮ੍ਰਿਤਸਰ ਮੁੱਖ ਮਾਰਗ 'ਤੇ ਦੇਵੀਦਾਸਪੁਰਾ ਅਤੇ ਮਜੀਠਾ ਸਟੇਸ਼ਨ।
2. ਲੁਧਿਆਣਾ (Ludhiana): ਸਾਹਨੇਵਾਲ ਰੇਲਵੇ ਸਟੇਸ਼ਨ।
3. ਜਲੰਧਰ (Jalandhar): ਜਲੰਧਰ ਕੈਂਟ।
4. ਗੁਰਦਾਸਪੁਰ (Gurdaspur): ਬਟਾਲਾ, ਗੁਰਦਾਸਪੁਰ ਅਤੇ ਡੇਰਾ ਬਾਬਾ ਨਾਨਕ ਸਟੇਸ਼ਨ।
5. ਪਟਿਆਲਾ (Patiala): ਸ਼ੰਭੂ ਅਤੇ ਬਾਰਨ (ਨਾਭਾ)।
6. ਬਠਿੰਡਾ (Bathinda): ਰਾਮਪੁਰਾ ਰੇਲਵੇ ਸਟੇਸ਼ਨ।
7. ਫਿਰੋਜ਼ਪੁਰ (Ferozepur): ਬਸਤੀ ਟੈਂਕਾਂ ਵਾਲੀ, ਮੱਲਾਂਵਾਲਾ ਅਤੇ ਤਲਵੰਡੀ ਭਾਈ।
8. ਹੋਰ ਜ਼ਿਲ੍ਹੇ: ਇਸ ਤੋਂ ਇਲਾਵਾ ਪਠਾਨਕੋਟ , ਤਰਨਤਾਰਨ, ਕਪੂਰਥਲਾ, ਹੁਸ਼ਿਆਰਪੁਰ, ਸੰਗਰੂਰ, ਫਾਜ਼ਿਲਕਾ, ਮੋਗਾ, ਮੁਕਤਸਰ, ਮਲੇਰਕੋਟਲਾ, ਮਾਨਸਾ, ਫਰੀਦਕੋਟ ਅਤੇ ਰੋਪੜ ਦੇ ਰੇਲਵੇ ਸਟੇਸ਼ਨਾਂ 'ਤੇ ਵੀ ਕਿਸਾਨ ਧਰਨਾ ਦੇਣਗੇ।
Ads
