ਗੁਰਦਾਸਪੁਰ DIG ਵੱਲੋਂ 117 ਬਟਾਲਿਅਨ ਬੀ.ਐੱਸ.ਐੱਫ ਦੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ

ਗੁਰਦਾਸਪੁਰ DIG ਵੱਲੋਂ 117 ਬਟਾਲਿਅਨ ਬੀ.ਐੱਸ.ਐੱਫ ਦੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ

 ਗੁਰਦਾਸਪੁਰ, 13 ਸਤੰਬਰ  ਜਸਵਿੰਦਰ ਕੁਮਾਰ ਬਿਰਦੀ, ਡੀ.ਆਈ.ਜੀ. ਸਟੇਸ਼ਨ ਹੈਡਕੁਆਰਟਰ ਬੀ.ਐੱਸ.ਐੱਫ. ਗੁਰਦਾਸਪੁਰ ਨੇ ਸ਼੍ਰੀ ਬ੍ਰਿਜ ਮੋਹਨ ਪੁਰੀਤ, ਕਮਾਂਡੈਂਟ 117 ਬਟਾਲਿਅਨ ਬੀ.ਐੱਸ.ਐੱਫ., ਸ਼੍ਰੀ ਆਦਰਸ਼ ਕੁਮਾਰ ਸੈਣੀਆ, ਜ਼ੈੱਡ.ਆਈ.ਸੀ. (ਓਪਸ), ਸ਼੍ਰੀ ਉਮੇਦ ਸਿੰਘ ਦਰਿਆਲ, ਡੀ.ਸੀ./ਐਡਜਟ ਅਤੇ ਸ਼੍ਰੀ ਅਮਿਤ ਕੁਮਾਰ ਸਿੰਘ, ਏ.ਸੀ./ਕਿਊ.ਐੱਮ. ਦੇ ਨਾਲ ਮਿਲ ਕੇ ਬੀ.ਓ.ਪੀ. ਸ਼ਾਹਪੁਰ, ਬੀ.ਓ.ਪੀ. ਸ਼ਾਹਪੁਰ ਫਾਰਵਰਡ, ਬੀ.ਓ.ਪੀ. ਚੰਨਾ ਪੱਤਣ, ਚਾਨੀਆ ਅਤੇ ਬੀ.ਓ.ਪੀ. ਪੰਜਗਰਾਈਆਂ ਦਾ ਦੌਰਾ ਕੀਤਾ। ਇਹ ਦੌਰਾ ਉਨ੍ਹਾਂ ਨੇ ਟ੍ਰੈਕਟਰ, ਕਿਸ਼ਤੀ ਅਤੇ ਪੈਦਲ ਕੀਤਾ।117 ਬਟਾਲਿਅਨ ਬੀ.ਐੱਸ.ਐੱਫ ਦੇ ਇਲਾਕੇ ਦੀ ਪੂਰੀ ਰੈਕੀ ਕੀਤੀ ਗਈ। ਦੌਰੇ ਦੌਰਾਨ ਡੀ.ਆਈ.ਜੀ. ਨੇ ਬਾਰਡਰ ਤੇ ਤਾਇਨਾਤ ਜਵਾਨਾਂ ਨਾਲ ਗੱਲਬਾਤ ਕੀਤੀ ਅਤੇ ਹੜ੍ਹ ਕਾਰਨ ਹੋਏ ਨੁਕਸਾਨ ਦੀ ਜਾਂਚ ਕੀਤੀ। ਡੀ.ਆਈ.ਜੀ. ਨੇ ਹੜ੍ਹ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਗਹਿਰਾਈ ਵਾਲੇ ਇਲਾਕਿਆਂ ਦਾ ਵੀ ਦੌਰਾ ਕੀਤਾ। ਇਸ ਦੌਰੇ ਦਾ ਮੁੱਖ ਉਦੇਸ਼ ਜ਼ਮੀਨੀ ਹਾਲਾਤਾਂ ਦੀ ਸਮੀਖਿਆ ਕਰਨੀ, ਨੁਕਸਾਨ ਦੀ ਪਰਖ ਕਰਨੀ ਅਤੇ ਮੁਸ਼ਕਲ ਹਾਲਾਤਾਂ ਵਿਚ ਤਾਇਨਾਤ ਜਵਾਨਾਂ ਦੀ ਸੁਰੱਖਿਆ ਤੇ ਭਲਾਈ ਯਕੀਨੀ ਬਣਾਉਣੀ ਸੀ।

Ads