ਦਿੱਲੀ ਅਦਾਲਤ 19 ਫਰਵਰੀ ਨੂੰ ਕਰੇਗੀ ਆਤਿਸ਼ੀ ਵਿਰੁਧ ਮਾਣਹਾਣੀ ਮਾਮਲੇ ਦੀ ਸੁਣਵਾਈ।
ਦਿੱਲੀ ਅਦਾਲਤ 19 ਫਰਵਰੀ ਨੂੰ ਕਰੇਗੀ ਆਤਿਸ਼ੀ ਵਿਰੁਧ ਮਾਣਹਾਣੀ ਮਾਮਲੇ ਦੀ ਸੁਣਵਾਈ।
ਨਵੀਂ ਦਿੱਲੀ, 6 ਫਰਵਰੀ:- ਦਿੱਲੀ ਦੀ ਇਕ ਅਦਾਲਤ ਕਾਂਗਰਸ ਆਗੂ ਸੰਦੀਪ ਦੀਕਸ਼ਿਤ ਵਲੋਂ ਮੁੱਖ ਮੰਤਰੀ ਆਤਿਸ਼ੀ ਅਤੇ ਆਮ ਆਦਮੀ ਪਾਰਟੀ ਆਗੂ ਸੰਜੇ ਸਿੰਘ ਵਿਰੁਧ ਦਾਇਰ ਅਪਰਾਧਕ ਸ਼ਿਕਾਇਤ ਮਾਮਲੇ ’ਚ 19 ਫ਼ਰਵਰੀ ਨੂੰ ਸੁਣਵਾਈ ਕਰੇਗੀ।ਇਹ ਮੁੱਦਾ ਆਤਿਸ਼ੀ ਅਦੇ ਸੰਜੇ ਸਿੰਘ ਦੀ ਪ੍ਰੈੱਸ ਕਾਨਫ਼ਰੰਸ ਨਾਲ ਸਬੰਧਤ ਹੈ, ਜਿਸ ’ਚ ਉਨ੍ਹਾਂ ਨੇ ਕਥਿਤ ਤੌਰ ’ਤੇ ਕਿਹਾ ਸੀ ਕਿ ਦੀਕਸ਼ਿਤ ਨੇ ਨਾ ਸਿਰਫ਼ ਭਾਰਤੀ ਜਨਤਾ ਪਾਰਟੀ ਤੋਂ ਕਰੋੜਾਂ ਰੁਪਏ ਲਏ ਬਲਕਿ ਉਨ੍ਹਾਂ ਦੀ ਕਾਂਗਰਸ ਨੇ ‘ਆਪ’ ਨੂੰ ਹਰਾਉਣ ਲਈ ਭਾਜਪਾ ਨਾਲ ਗੰਢਤੁਪ ਵੀ ਕੀਤਾ। ਦੀਕਸ਼ਿਤ ਨੇ ਨਵੀਂ ਦਿੱਲੀ ਚੋਣ ਖੇਤਰ ਤੋਂ ਸਾਬਕਾ ਮੁੱਖ ਮੰਤਰੀ ਅਤੇ ‘ਆਪ’ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਵਿਰੁਧ ਮੌਜੂਦਾ ਵਿਧਾਨ ਸਭਾ ਚੋਣ ਲੜੀ ਹੈ।