46 ਦੋੜ੍ਹਾ ਤੇ ਢੇਰ ਹੋਈ ਭਾਰਤੀ ਕ੍ਰਕਿਟ ਟੀਮ...
46 ਦੋੜ੍ਹਾ ਤੇ ਢੇਰ ਹੋਈ ਭਾਰਤੀ ਕ੍ਰਕਿਟ ਟੀਮ...
ਨਿਊਜ਼ੀਲੈਂਡ ਦੀ ਘਾਤਕ ਗੇਂਦਬਾਜ਼ੀ ਦੇ ਸਾਹਮਣੇ ਭਾਰਤ ਦੇ 5 ਖਿਡਾਰੀ ਜ਼ੀਰੋ 'ਤੇ ਆਊਟ ਹੋ ਗਏ। ਇਸ ਟੈਸਟ ਦਾਪਹਿਲਾ ਦਿਨ ਮੀਂਹ ਵਿੱਚ ਰੁੜ ਗਿਆ। ਇਸ ਤੋਂ ਬਾਅਦ ਵੀ ਕਪਤਾਨ ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, ਜੋ ਪੂਰੀ ਤਰ੍ਹਾਂ ਗ਼ਲਤ ਸਾਬਤ ਹੋਇਆ।
ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਟੀਮ ਇੰਡੀਆ ਦੀ ਸ਼ੁਰੂਆਤ ਬੇਹੱਦ ਖਰਾਬ ਰਹੀ। ਕਪਤਾਨ ਰੋਹਿਤ ਸ਼ਰਮਾ 9 ਦੇ ਕੁੱਲ ਸਕੋਰ 'ਤੇ ਬੋਲਡ ਹੋ ਗਏ। ਰੋਹਿਤ ਨੂੰ ਟਿਮ ਸਾਊਥੀ ਨੇ ਆਊਟ ਕੀਤਾ। ਇਸ ਤੋਂ ਬਾਅਦ ਵਿਲੀਅਮ ਓ'ਰੂਕ ਨੇ ਵਿਰਾਟ ਕੋਹਲੀ ਨੂੰ, ਫਿਰ ਹੈਨਰੀ ਨੇ ਸਰਫਰਾਜ਼ ਖਾਨ ਨੂੰ ਖਾਲੀ ਹੱਥ ਵਾਪਸ ਮੋੜ ਦਿੱਤਾ।
10 ਦੌੜਾਂ 'ਤੇ ਤਿੰਨ ਵਿਕਟਾਂ ਡਿੱਗਣ ਤੋਂ ਬਾਅਦ ਸਾਰਿਆਂ ਨੂੰ ਯਸ਼ਸਵੀ ਜੈਸਵਾਲ ਤੇ ਰਸਿ਼ਭ ਪੰਤ ਤੋਂ ਉਮੀਦਾਂ ਸਨ ਪਰ ਇਹ ਦੋਵੇਂ ਕੀਵੀ ਗੇਂਦਬਾਜ਼ਾਂ ਦੇ ਸਾਹਮਣੇ ਜ਼ਿਆਦਾ ਦੇਰ ਟਿਕ ਨਹੀਂ ਸਕੇ। ਦੋਵਾਂ ਵਿਚਾਲੇ 21 ਦੌੜਾਂ ਦੀ ਸਾਂਝੇਦਾਰੀ ਹੋਈ ਪਰ ਓ'ਰੂਕ ਨੇ 31 ਦੇ ਕੁੱਲ ਸਕੋਰ 'ਤੇ ਜੈਸਵਾਲ ਨੂੰ ਆਊਟ ਕਰ ਦਿੱਤਾ। ਉਹ ਇਕ ਚੌਕੇ ਦੀ ਮਦਦ ਨਾਲ ਸਿਰਫ 13 ਰਨ ਹੀ ਬਣਾ ਸਕਿਆ।
ਭਾਰਤ ਨੇ ਸਰਿਫ਼ 40 ਦੌੜਾਂ 'ਤੇ 9 ਵਿਕਟਾਂ ਗੁਆ ਦਿੱਤੀਆਂ ਸਨ। ਅਜਿਹਾ ਲੱਗ ਰਿਹਾ ਸੀ ਕਿ ਟੀਮ ਇੰਡੀਆ ਦਾ ਅੱਜ ਦੂਜਾ ਸਭ ਤੋਂ ਘੱਟ ਸਕੋਰ ਹੋਵੇਗਾ ਪਰ ਮੁਹੰਮਦ ਸਿਰਾਜ ਅਤੇ ਕੁਲਦੀਪ ਯਾਦਵ ਨੇ ਕੁਝ ਦੇਰ ਤੱਕ ਕੀਵੀ ਗੇਂਦਬਾਜ਼ਾਂ ਦਾ ਸਾਹਮਣਾ ਕੀਤਾ ਪਰ ਦੋਵੇਂ ਹੀ 6 ਹੋਰ ਜੋੜ ਸਕੇ। ਇਸ ਤਰ੍ਹਾਂ ਟੀਮ ਇੰਡੀਆ 46 ਦੌੜਾਂ 'ਤੇ ਢਹਿ ਗਈ।